-Usha KC

उषाका ५ मुक्तक

Hollywood Khabar October 16,2020 Comments

उषा के सी
१
मान्छे चिन्न संगत र व्यबहार गर्नु पर्दोरहेछ
खोला तर्दा बिना सहारा आफै तर्नु पर्दोरहेछ
आपतमा ज्यानै दिए पनि आफुलाई पर्दा खोई
तोलाको बचन खोलामा फाल्दै मर्नु पर्दोरहेछ
२
बिश्वासमा नै धोकाको खात हुनसक्छ
आफ्नो भन्नेबाट नै सधैं घात हुनसक्छ
जिबनमा अघि बढनेको खुट्टा तान्न पनि
आँखाको नानी बन्नेको नै हात हुनसक्छ
३
कर्म गर्नेले धर्म देख्दैन अन्धो बैरोको शासन छ
गरिब मार्नेलाई नै सधै सम्मान र भद्दा आसन छ
रोग भोक र शोकले ग्रसितलाई सधै बन्देज भो
धनिलाइ सधै दशैं छ गरिबको घरमा न रासन छ
४
दिलको बाटो गरि रातमा तिमि आएकै हौं
बिश्वासलाई अंगाल्दै दिलभित्र छाएकै हौं
मलाई धोका दिदै माया पनि जुत्ता झै फेर्दै
आत्मालाई छलेर धेरै चोटि अन्तै धाएकै हौं
५
दुनियाँले आफ्नै स्वार्थको लागि नाता गाँसेका छन्
शिकारीले झै हत्या र बलात्कार गर्दै वाँचेका छन्
लोकतन्त्रले नियम कानुन हैन ब्यक्ति बलियो बनायो
त्यसैले नैतिकता बेच्ने समाजमा स्वतन्त्र हाँसेका छन्