कृष्ण के सी/अमेरिका/१०/१३/१९
गैरआवासीय नेपाली संघ (एनआरएनए) को अक्टुवर १५-१७, २०१९ मा हुने विश्व सम्मेलन तथा महाधिवेशनमा अमेरिकाज क्षेत्रका पूर्व आरसी सोनाम लामाले उपाध्यक्षमा उमेद्वारी घोषणा गरेका छन्।
लामाको प्रेस बक्तब्य:
आदरणीय दिदीबहिनी एवं दाजुभाईहरुमा
दशैं, तिहार, छठ पर्व र नेपाल सम्वतको हार्दिक शुभकामना व्यक्त गर्दछु ।
नेपालीका लागि नेपाली” भन्ने मूल उद्देश्यसहित स्थापित गैर आवासीय नेपाली संघ (एनआरएनए) को स्थापनाकालदेखि संघले अवलम्वन गरेको बाटो र उद्देश्य प्राप्तिको लागि मैले निरन्तर रुपमा लागि पर्दै आएको सबैमा पुनः स्मरण गराउन चाहन्छु । संघको तिनै उद्देश्य प्राप्तिको लागि अग्रज/अनुजहरुबाट सिक्दै गर्ने क्रममा मैले संघको बिभिन्न राष्ट्रिय एवं अन्तर्राष्ट्रिय तह र तप्कामा रहेर कार्य सम्पादन गर्ने अवसर समेत मैले प्राप्त गरेको छु । जसको लागि मैले मेरो सार्मथ्यले भ्याएसम्म आर्थिक, नैतिक एवं सामाजिक रुपमा संघलाई सहयोग पुर्याउदै आईरहेकोछु ।
निःस्वार्थ सेवाभावले सामाजिक सेवा प्रतिको मेरोे निरन्तर लगावलाई तपाईहरुकै साथ र सहयोगले सदैव पूर्णता पाउने कुरामा म ढुक्क रहदै आएकोछु । परिवर्तशिल परिस्थिती र बद्लिदो समयक्रमसँगै संघको उद्देश्य र लक्ष्यहरु परिमार्जन हुने क्रममा गर्नु पर्ने कामहरु धेरै नै छन् । तिनै बाँकी कामहरु सम्पन्न गर्न र गराउनको लागि आगामी अक्टोबर १५ देखि १७ तारिखसम्म सम्पन्न हुन लागेको एनआरएनएको ९ औं विश्व सम्मेलनमा उपाध्यक्ष पदको लागि उमेदवारी दिन लागेको घोषणा गर्न चाहन्छु ।
आशा एवं विश्वास छ मेरो उमेदवारीलाई तपाईहरुले अनुमोदन गरेर संघमा अझै काम गर्ने अवसर प्रदान गर्नु हुने नै छ ।
उमेदवारीसँगै बुँदागत रुपमा आफ्नो एजेण्डाहरु प्रस्तुत गर्न चाहन्छु ।
१) गैरआवासीय नागरिकता निरन्तरतालाई व्यवहारीक रुपमा कार्यान्वयनको लागि आवश्यक पहल कदमी गर्ने ।
२) भिजन २०२० एण्ड वियोण्ड” लाई पुर्ण रुपमा कार्यान्वयन गर्ने ।
३) समृद्व नेपालको लागि १० अर्व रुपैयाको सामुहिक लगानी कोष निमार्णको काम पूरा गर्ने
४) “भिजिट नेपाल-२०२०” सफल बनाउँन एक एनआरएनए सदस्य बराबर एक बिदेशी पर्यटन भित्र्याउन पहल गर्ने ।
५) बैदेशिक रोजगारीमा जाने नेपालीहरुको लागि कल्याणकारी कोष स्थापनाको कार्यलाई यथासिघ्र सम्पन्न गर्ने ।
६) एनआरएनएले शूरुवात् गरेको पुराना मेघा प्रोजेक्टहरुलाई समयमै सम्पन्न गर्न/गराउन लागि पर्ने ।
७) बिदेशमा आर्जन गरेको ज्ञान, सीप र क्षमतालाई देशमै उपयोग गर्ने उचित वातावरण निमार्ण गर्ने ।
अन्तमा मेरो औपचारिक उमेद्वारी र एजेन्डाहरुलाई श्रव्य-दृश्य माध्यमबाट समेत प्रस्तुत गरेको छु ।
जय एनआरएनए ।
सोनाम लामा
उपाध्यक्षका उमेदवार
एनआरएनए आईसीसी, २०१९–२०२१
सिफारिस
एनआरएनएमा कुन बाटो होइन मुक्त राजनीतिको मूल बाटो
हेड्स नेपालद्वारा मानसिक स्वास्थ्यको क्षेत्रमा काम गर्ने हेड्सको प्रति...
रूपान्तरण!
हारेको कांग्रेसको रुन्चे ढिपीका कारण गृहमन्त्रीले पेश गर्ने बिधेयक सुच...