समाजबादीले सुरु गरे, कम्यूनिष्टहरुले निरन्तर दिए, राष्ट्रसंघको बार्षिक महिला दिवस

0
shares

by Krishna KC | Updated: 07 Mar 2020

326 views
-समाजबादीले सुरु गरे, कम्यूनिष्टहरुले निरन्तर दिए, राष्ट्रसंघको बार्षिक महिला दिवस

कृष्ण के सी/अमेरिका/३/७/२०

आज भोलि प्राय गरि तेश्रो दर्जाका गरिव मुलुकहरुले अन्तराष्ट्रिय महिला दिवस भनेर प्रत्येक बर्ष मार्च ८ मा मान्ने गरिएका छन। तर बिकसित देशहरुले यसलाई खासै चासो दिंदैनन। पछिल्ला समयमा यो दिनलाई कम्यूनिष्टहरुले जे सुकै व्याख्या गरेता पनि महिला दिवस भने महिला अधिकारका बिषयलाई लिएर सुरु गरिएको थियो।

खासगरी अमेरिकाको सबाजबादी पार्टीले फेब्रवरी २८, १९०९ मा न्यूयोर्क शहरमा महिला दिवस सुरु गरेको इतिहासमा पढ्न पाइन्छ। जर्मन प्रतिनिधिहरु क्लारा जेट्किन, काट डंकर र अन्य महिलाहरुले १९१० देखि समाजबादी महिलाहरुको अन्तराष्ट्रिय महिला दिवस मनाउने प्रस्ताव गरेका थिए। त्यसपछि महिला दिवस मनाउने चलन विस्तार हुँदै गएको हो।

सोभियत युनियनले मार्च ८, १९१७ देखि ८ मार्चलाइ राष्ट्रिय रुपमा नै छुट्टिको रुपमा मनाउने गरेको छ।त्यसपछि समाजबादीहरुले सुरु गरेको महिला दिवस साम्यवादीहरुले मनाउन थाले। यसलाई विश्वका कम्यूनिष्ट मुलुकहरुले सस्तो नाराकै रुपमा लिएर मनाउन थाले।

१९६७ तिर देखि भने ८ मार्चलाइ महिला अधिकारवादी र महिलावादीहरुले महिला दिवसलाइ चर्को रुपमा मनाउने गर्न थाले। १९७७ मा पुग्दा भने यसलाई संयुक्त राष्ट्र संघले नै महिला दिवस मनाउने कुरा सुरु गरिदियो। १९९६ देखि संयुक्त राष्ट्रसंघले हरेक बर्ष एउटा थिम दिएर मनाउने गरेको छ।

आज भोलि कतिपय देशहरुले यसलाई राष्ट्रिय रुपमा मनाउने गर्छन। कतिले छुट्टी नै दिने चलन पनि गरेका छन्। तर पनि यो ८ मार्चको महिला दिवसलाइ भने विश्वका धेरै देशहरुले चासो नै दिने गरेका छैनन्। कतिपय ठाउँमा चाहिँ र्याली र प्रदर्शन समेत गर्ने गरेका छन्। अमेरिकामा महिला दिवस खासै रुपमा मनाएको देखिंदैन। यो बर्ष ११० औं महिला दिवस जेनरेशन इक्वालिटी भनेर मनाइने छ।