अर्जुन राज पन्त/४/१३/२०
कोकिल कण्ठी धुन सङ्गै आयो ऋतु राज
ऋतु राजाकै दूत माथि व्यङ्ग्य लेखे आज
बर्षौ देखि पुस्तौ देखि शोध्छस् काे हाे काे हो !
कहिले चिन्छस् आखिर तैँले खोजेको त्यो जो हो ?
साँच्चै शोधि हिडछस् कि खोइ तेरो थेगो पो हो !
शँधै शाेधी हिड्छस् कस्लाई तैँले काे हाे काे हाे?
सृस्टिकै त्यो चतुर पन्छी कागलाई समेत ढाँटी
उस्का अण्डा खाई दिन्छस् आफ्ना त्यँहा साटी !
नबनाउछस् गुँडै तैँले नहुर्काउछस् चल्ला
चलेकै छ तेरो सृस्टि गरेकै छस् हल्ला !
संसारकै खबर जान्ने कागका गुँडमा हूर्किस्
सिकाएन कि तँलाई बिद्या तैँले आफै बिर्सिस् ?
शँधै शोध्छस् एउटै प्रश्न तैँले घरि -घरि
नचिनेर पक्कै हो त एति बाठो चरी !
दुनियालाई लठ्ठै पारि गर्छस् आफ्नो जोहो
कागलाई समेत ठग्ने तैले नचिनेको को हो?
सात बर्षकी मेरी छोरी भन्छे घरि- घरि
जान्न म त बाहिर अब दिक्क पार्छ चरी !
हजार चोटी भनि अरे यँहि घरकी छोरी
शाेध्छस् मात्रै सुन्दैनस् ए बहिरो छस् र चरी ?
धोखा दिएको बदला लिदै ठुङ्गदिएर कागले
सुन्दैनन् कि तेरा दुवै कानका भित्रि भागले ?
बक बक धेरै बोल्नेले कि शुन्दैनन् र कुरा?
गर्नु सुन्नु मसलक्कै बोली मात्रै छुरा !
युवा बिहिन निर्जर बस्ति देखिस् नौलो कलाई ?
कुन मान्छेले भ्रममा पार्यो चंख पन्छी तलाई ?
मुखै छोपी आयो कि कोहि आयो टालो बाँधी ?
सशङ्कित नै बनिस् र पो चल्यो मनमा आँधी?
शिकारी नै आयो कि कोहि काँधमा बन्दुक बोकी ?
अनाहकमा पन्छी मर्ने तिनलाई गोलि ठोकी ?
बिदेशिएको आयो कि कोहि खैरो कपाल पारि
ढ्याब्रे चश्मा लगाएर पाली बोके दाह्रि?
चुनाबै पो लाग्यो कि खोइ आयो कुनै नेता ?
पाँच बर्षमा फेरी अर्को पाइलो पार्दै त्यता !
चप्पल पड्काई हिजो हिड्ने पजेरोमा आँउदा
आनुहार् नै छोप्ने गरि फूलका माला लाँउदा
अघि पछि उत्ति गाडी रबाफ गरि ठूलो
नभमण्डल ढाक्ने गरि उडाए कि धुलो !
गाह्राे भाे कि देख्न तलाई शङ्का भयो चीन्न ?
पाँच बर्षमै कुम्लिएर देखिएर भिन्न !
बेभिचारी भ्रष्टाचारी आयो कि कोहि गाँउमा ?
फेरी पनि झुक्काउनलाइअनेक थरि नाँउमा ?
कस्लाई सोध्छस एउटै प्रश्न तैले घरि घरि
को हो त्यस्तो शङ्का लाग्दो चिनाइदेन चरी
बोल्छस मात्रै शुन्दैनस् नि किन हो र तैले ?
तेरै सिको गरि सके नेता ज्यूले अहिले !
-अर्जुन राज पन्त, बाग्लुङ मुलपानी, हाल टेक्सास अमेरिका, कवि पन्त पहिलाे ब्यङ्ग्य काब्य काेइलीका समेत लेखक हुन
सिफारिस
एनआरएनएमा कुन बाटो होइन मुक्त राजनीतिको मूल बाटो
हेड्स नेपालद्वारा मानसिक स्वास्थ्यको क्षेत्रमा काम गर्ने हेड्सको प्रति...
रूपान्तरण!
हारेको कांग्रेसको रुन्चे ढिपीका कारण गृहमन्त्रीले पेश गर्ने बिधेयक सुच...