युनाइटेड किरात राई अर्गनाइजेसनको साधारण सभा सम्पन्न

युनाइटेड किरात राई अर्गनाइजेसन अफ अमेरिकाले यस वर्षको साकेला कोभिड -१९ को कारण स्थगीत गरे पनि वार्षिक साधारण सभा भर्चुएल जुमद्वारा सम्पन्न गरेको छ।

केन्द्रीय सभापति मुना राईको सभापतीत्वमा सम्पन्न सभामा बिभिन्न वक्ताहरुले संस्थाको गतिविधि र संस्थाले आगामी दिनमा खेल्नु पर्ने भूमिका सम्बन्धमा आ-आफ्नो मन्तब्य व्यक्त गर्नु भएको थियो।

प्रमुख अतिथि जनजाति महासंघ फिपनाका सभापति लोक चेम्जोङ्गले अमेरिकामा बस्ने आदिवाशी जनजातिहरुले आफ्नो चासो र सरोकारको नेपालको बिसय उठाउनु पर्ने कुरा बताउनु भयो। उहाले मृत संस्कृत भाषा नेपालको बिद्यालयमा पढाउने सरकारी निर्णयले अन्य मातृ भाषाका बिद्यार्थी हरुलाई अन्याय हुन जाने कुरा बताउनु भयो। सरकारी कोष एक भाषालाई खर्च गर्ने अन्य भाषालाई बजेट नदिने भेदभाव पूर्ण निर्णयको बिरोध गर्नु भयो।

बोर्ड सल्लाहकारहरुले आ-आफ्नो बिषय शिर्षक अन्तर्गत मन्तब्य राख्नु भएको थियो। सल्लाहकारहरु शिब कुमार राईले अर्गनाइजेसनको अन्य संघ संस्थाहरु संगको सम्बन्ध, धौल बीर राईले संस्थाले संस्कृति जगेर्ना सम्बंधमा खेल्नु पर्ने भूमिका,बिष्णु राईले युवाहरुमा संस्थाको महत्व, चुना राईले संस्थाले सदस्यता र आर्थिक पक्ष सम्बन्धमा खेल्नु पर्ने भूमिका, मिलन राईले अमेरिकामा संस्थाको बिस्तारीकरण,प्रभाकर राईले संस्थाको भविस्य र चुनौती,तेज राईले संस्थाको बिगत र वर्तमान,श्यामा राईले संस्थामा महिलाहरुको भूमिका र सुरेश चाम्लिङ्गले संस्था र राजनितीको सम्बन्धमा प्रकाश पार्नु भएको थियो।

विभिन्न स्कुल तथा कलेजबाट यो वर्ष ग्राजुएसन गर्ने बिद्यार्थीहरुलाई सम्मान पत्र सहित आ आफ्नो मन्तब्य र परिचय दिएको थियो। कलेज बिद्यार्थीहरु एलिना राई बर्कले युनिभर्सिटी क्यालिफोर्निया, लोकेन्द्र मति राई लेहम्यान कलेज न्यु योर्क, जेनिथ राई ब्रनडेल्स युनिभर्सिटी म्यासाच्युसेत्ट्स, यलम्बर राई ग्रेट वे कम्युनिटी कलेज न्यु हेम्प्शायर,न मिता राई शान्ताक्रुज युनिभर्सिटी क्यालिफोर्निया, शशिराई लगौडिया कम्युनिटी कलेज न्युयोर्क, प्रतिभा राई लगौडिया कम्युनिटी कलेज न्यु योर्क हुनु हुन्छ।

यसरी नै स्कुल ग्राजुएट गर्ने हरुमा केभिन राई क्यालिफोर्निया, प्रतिक राई न्युजर्सी, आशुतोष पालुङ्गा नेब्रास्का, ज्यो ज्यो लुङ्ग राई कनेक्टिकेट, आदर्श राई म्यास्साच्युसेट्स, कृपा पौडेल म्यासाच्युसेत्ट्स, सबिन सुब्बा न्यु हेम्प्शायर,शुभेच्छा राई कनेक्टिकट हुनु हुन्छ।

त्यस्तै कोभिड-१९ मा अग्र पंक्तिमा रहेर काम गर्नेहरु किराती राईहरुको उच्च प्रशंशा गरिएको थियो। करातेका अन्तररास्ट्रिय रेफ्री पर्खि खालिङ्ग राई लाई सम्मान गरिएको र उहाले आफ्नो मन्तब्य राख्नु भएको थियो।

उक्त सभामा लोकल च्याप्टर सभापति हरु डि एम भी पी सभापती प्रकाश राई,क्यालिफोर्निया सभापती जोर बीर राई, न्यु इंग्ल्याण्ड सभापती मुक्ति नारायण राईर न्यु योर्क सभापती केशब राम राईले संस्थाको गतिविधि सम्बन्धमा प्रकाश पार्नु भएको थियो।

त्यसरी नै केन्द्रिय समिति र लोकल च्याप्टरबाट वार्षिक प्रतिवेदन प्रस्तुत गरिएको थियो। बार्षिक प्रतिवेदनमा संस्थाले किरात प्रदेशको लागि नेपाल सरकारलाई बुझाएको ज्ञापन पत्र, सिक्किमका पुर्व मुख्य मंत्री पवन चाम्लिङ्गसंगको न्यु योर्कमा भेटघाट छलफल, कोभिड-१९ मा बिभिन्न व्यक्तिहरुलाइ सहयोग गर्नुको साथै नेपालबाट अमेरिकामा आएर एफ-१ भिसामा रहनु हुने बिद्यार्थीहरुलाई नगद सहयोग, रक्तदान,यलम्बर नाइट लगाएतको कार्यहरु गरिएको विवरण बताईएको थियो।

साथै उक्त प्रतिवेदन प्रस्तुत गर्नेहरुमा केन्द्रिय समितिबाट महासचिव जय राई अन्य लोकल च्याप्टरबाट डि एमभीपी महासचिव हर्क राई, क्यालिफोर्निया महासचिव टक्सन राई, न्यु इंग्ल्याण्ड सभापती मुक्ति नारायण राई र न्यु योर्क सभापती केशब राम राईले प्रस्तुत गर्नु भएको थियो।

उक्त सभामा किरात राईहरुको नया बिबाहित युगल जोडीलाई र आजीवन सदस्य लिनु हुने जेष्ठ सदस्य खडिमान राईलाइ स्वागत गरिएको थियो/गत वर्ष संस्थाद्वारा आयोजना गरिएको साकेलामा संयोजक रही उल्लेखनीय भूमिका निर्वाह गर्नु भएका प्रभाकर राईलाई सम्मान पत्र प्रदान गरिएको थियो।

सभाको बिसर्जन गर्दै सभापति मुना राइले मानव जीवनको महत्व पूर्ण पाटो शिक्षा नै भएको हुनाले आजको युवाहरुले शिक्षालाई जोड दिनका साथै मानव बिकासको लागी आफ्नो संस्कार संस्कृती समेत जगेर्ना गर्न उत्तिकै आवस्यकता रहेको कुरा बताउनु भयो।

कार्यक्रमको संचालन केन्द्रिय महा सचिव जय राई, न्यु इंग्ल्याण्ड महासचिव शेखर राई,डि एमभीपी महासचिव हर्क राई, क्यालिफोर्निया महासचिव टक्सन राई, न्युयोर्क महासचिव प्रमल राईले पालै पालो गर्नु भएको थियो।

सुरेश चाम्लिङ्ग

न्यु हेम्प्शायरबाट

जुन १९, २०२०