लेगोस, नाइजेरिया, मार्च ६, २०२१
गैरआवासीय नेपाली संघ (एनआरएनए) को सुदुर पश्चिम प्रदेश मोबाइल ब्लड बैंकलाई अफ्रिकाका धनाढ्य डा सुधीर रुपारेलियाबाट अढाई लाख सहयोग हुने भएको छ।
गैरआवासीय नेपाली संघको दोश्रो मोबाइल ब्लड बैंक बस परियोजनाका लागि अफ्रिकाका प्रख्यात उधोगपती डा सुधीर रुपारेलियाले दुई लाख पचास हजार सहयोग गरेको जानकारी एनआरएनएका पुर्व कोषाध्यक्ष हिक्मत थापाले दिएका छन।
एनआरएनएले सम्पुर्ण आधुनिक सुबिधा सहितको घुम्ती ब्लड बैंक बस रक्त संकलनमा सहयोग पुर्याउने लक्ष्य साथ यस अघि चितवन रेडक्रसलाई हस्तान्तरण गरिसकेको छ। एनआरएनए आइसीसी सचिव गौरी राज जोशीको संयोजन र सक्रियतामा सुरु गरिएको यो दोश्रो बस सुदुर पश्चिम प्रदेशका लागि कैलाली रेडक्रस, धनगढीलाइ हस्तान्तरण गर्ने योजना बनाएको छ।
युगान्डाका उधोगपती डाक्टर रुपारेलिया पुर्वी अफ्रिकाकै सबै भन्दा धनी ब्याक्ती हुन भने नेपालका तर्फबाट युगान्डाका लागि मानार्थ बाणिज्य दुत पनि हुन। नेपाल र नेपालीलाई असाध्यै माया गर्ने रुपारेलिया अफ्रिकाका नेपालीलाई अप्ठ्यारो पर्दा सधै सहयोग र संरक्षण गरि रहेका हुन्छन।
करिब ६१ लाख कर छुट सहित खरिद मुल्य पर्ने उक्त दोश्रो बसको लागि हाल एनआरएनएले संसार भरबाट सहयोग संकलन जुटाइ रहेको छ। एनआरएनहरु, सहयोगी दाताहरु विशेषत डायस्पोरामा रहेका सुदुर पश्चिम समाजहरु यस अभियानमा क्रियाशिल छन। हालसम्म बीस लाख भन्दा बढीको सहयोग प्रतिबद्धता जुटी सकेको छ र सहयोग संकलन अभियान तिब्र रुपमा संचालन भइ रहेको छ।
सिफारिस
हारेको कांग्रेसको रुन्चे ढिपीका कारण गृहमन्त्रीले पेश गर्ने बिधेयक सुच...
एमाले नेता तथा गुण्डा बस्नेत विरुद्ध बलात्कार गरी गर्भपतन गराएको जाहे...
एनआरएनए:अदालतको फैसला, मताधिकार भएका-नभएका नेपाली र केहि अन्योलता
दुइ उपनिर्वाचनका लागि उम्मेदवारहरुको मनोनयन दर्ता सुरु