प्रेस विज्ञप्ति
प्रदेश नम्बर २ को बारा र पर्सा जिल्लाका विभिन्न स्थानहरुमा हिजो आइतवार साँझ आएको हावाहुरीबाट ३० जना भन्दा बढीको मृत्यु र सयौँ घाइते भएको घटना प्रति गैरआवासीय नेपाली संघ गहिरो दुःख प्रकट गर्दछ । प्राकृतिक प्रकोपका कारण भएको क्षतिले संघलाई निकै मर्माहत एवं स्तब्ध बनाएको छ ।
ठूलो मात्रामा जनधनको क्षति हुने गरी भएको घटनामा धेरै व्यक्तिको निधन भएकोमा संघ गहिरो शोक व्यक्त गर्दछ र शोकाकुल परिवारहरुमा हार्दिक समवेदना प्रकट गर्दछ । साथै संघ घटनामा परी घाइते हुनु भएका व्यक्तिहरुको शिघ्र स्वास्थ्यलाभको कामना समेत गर्दछ ।
प्राथमिक चरणको आवश्यक राहतका लागि संघ जुटि सकेको छ । यसका साथै गैरआवासीय नेपाली संघ अन्तर्राष्ट्रिय समन्वय परिषद, राष्ट्रिय समन्वय परिषद लगायत अभियान्ताहरुमा यस राहत कार्यका लागि तुरुन्त जुटन तथा सहयोग गर्न आग्रह गर्दछ । यसरी नै संघ यस विपद घडीमा सबै सरोकारवालाहरुलाई राहत कार्यमा सघाउन हार्दिक अनुरोध गर्दछ ।
भूषण घिमिरे
प्रवक्ता
गैरआवासीय नेपाली संघ अन्तर्राष्ट्रिय समन्वय परिषद
१ अप्रिल २०१९
सिफारिस
एनआरएनएमा कुन बाटो होइन मुक्त राजनीतिको मूल बाटो
हेड्स नेपालद्वारा मानसिक स्वास्थ्यको क्षेत्रमा काम गर्ने हेड्सको प्रति...
रूपान्तरण!
हारेको कांग्रेसको रुन्चे ढिपीका कारण गृहमन्त्रीले पेश गर्ने बिधेयक सुच...