नेपाल रेडक्रसको वाढी प्रतिकार्य कार्यक्रमको समीक्षा बैठक सम्पन्न

हरेक विपद् आफैमा दुखद घटना हो तर त्यसको प्रतिकार्य आफैमा एउटा खुला प्रयोगशाला बन्न जान्छ, देश र सँस्थाले केही सिकिरहेको पनि हुन्छ ।

सन् २०१७ को अगष्टमा नेपालको मध्य र पूर्वी तराईमा गएको बाढी पश्चात रेडक्रसबाट सञ्चालन गरिएको अनुक्रिया flood response operation को समीक्षा वैठकको क्रममानेरेसोका कार्यकारी निर्देशक उमेश ढकालले भन्नुभयो।बैठक फागुन ३ मा सम्पन्न भएको छ ।

नेपाल रेडक्रस राष्टि«य विपद तथा सँकट समितिका सभापति मनोज थापाको अध्यक्षतामा सञ्चालित कार्यक्रममा वाढी प्रतिकार्य कार्यक्रम सञ्चालन भएकाजिल्ला शाखाहरुका प्रतिनिधि, रेडक्रसको अन्तर्राष्टिय समिति तथा अन्तर्राष्टिय महासँघ लगायत साझेदार राष्टिय सोसाइटी र डिएफआइडीका प्रतिनिधिहरु तथानेपाल रेडक्रसको नेतृत्व र कार्यक्रम कार्यान्वयनमा सँलग्न महानुभावहरु सहभागी हुनुहुन्थ्यो।

सो बाढीबाट १ सय ४९ जनाको ज्यान गएको थियो भने १७ लाख मानिसहरु प्रभावित भएका र ६४ हजार ९ सय घर भत्केका थिए । विपद् व्यवस्थापन विभागकाउपनिर्देशक रुद्र अधिकारीले पहिलो चरणमा प्रभावित ३१ वटै जिल्लामा तत्काल उद्धार राहतमा रेडक्रसले सहयोग गरेको जानकारी गराँउदै भन्नुभयो-१३ हजार५ सय १९ परिवारलाई गैरखाद्य सामग्री सेट वितरण गरिएको थियो । त्यतिकै सँख्यामा सरसफाई सामग्री, ७ हजार ८४ परिवारलाई आपत्कालीन आवास, ८ हजार६ सय परिवारलाई खाद्यान्न र ३३ सय परिवारलाई झुल वितरण गरिएको थियो ।

दोस्रो चरणको सहयोग अन्तरर्गत सुनसरी, सप्तरी, सिरहा, उदयपुर, महोत्तरी, रौतहट, बर्दिया र झापामा २ वर्षे सहयोग कार्यक्रम सञ्चालन गरिएको र तीकार्यक्रमहरु प्रभावकारी रहेको सूचकहरुले देखाएको आइएफआरसीका नेपाल कार्यालय प्रमुख जुजा किमले बताउनु भयो ।

flood response operation अन्तरर्गत १६४० परिवारलाई जीविकोपार्जनको लागि नगद सहयोग गरिएको, ५० परिवारलाई घरको लागि जस्तापाता सहयोगकासाथै सुरक्षित घर बनाउन ५ हजार परिवारलाई तालिम दिइएको थियो । त्यस्तै, समुदायमा आधारित स्वास्थ्य सहयोग ४२ हजार ९ सय ७८ जनालाई गरिएको र११ हजार ७ सय ६८ परिवारलाई झुल वितरण लगायतको सहयोग गरिएको थियो । १२ सय ५६ परिवारको घरमा चर्पी निमाएण गरियो भने ५५ वटा सुधारिएकोट्यूववेल जडान गरिएको सोसाइटीका सञ्चार निर्देशक दिव्यराज पौडेलले जानकारी दिनुभयो ।

नेरेसोका महामन्त्रि देवरत्न धाख्वाले पहाडी र हिमाली जिल्लाहरुमा गएको भूकम्प र तराईमा गएको वाढीको समयमा काम गर्दा सँस्थाले धेरै अनुभव हासिलगरेको र सिकाईलाई सँस्थागत गर्दै निर्णय प्रकृया, व्यवस्थापन, समन्वय जस्ता विषयमा थप सुधार गरिदै जाने बताउनुभयो ।

कार्यक्रममा सोसाइटीका अध्यक्ष सञ्जीव थापाले बताउनुभयोे-नेपाल रेडक्रसले भूकम्प प्रतिकार्यबाट सिकेको अनुभव समेतबाट सिकेर तत्काल बाढीग्रस्तप्रभावित क्षेत्रमा गई स्थानीय परिवेशमा समयमै सहयोग गर्न सफल भएका थियौँ ।