रामप्रसाद ढुंगेल/युएई/मे ६, २०२०
वैदेशिक रोजगारी वा अन्य कारण मध्यपूर्वमा रहेका नेपालीहरुमा कोरोना संक्रमणको दर निरन्तर उकालो लागिरहेको छ। गैरआवासीय नेपाली संघ (एनआरएनए) ले मे ५ मा जारी गरेको तथ्यांक अनुसार मध्यपूर्वका ११ देशहरुमा कोरोनाबाट संक्रमित नेपालीहरुको संख्या ३ सय ६२ रहेकोे छ।
मध्यपूर्वका युएई, कतार, साउदी अरब, ओमान, बहराइन, कुवेत, इजिप्ट, इराक, जोर्डन, लेबनान र यमन गरी ११ देशहरुमा करिब १ लाख कोरोना संक्रमित भएको अवस्थामा नेपालीहरुको संख्या करिब ४ सय मात्रै देखिएको संघका प्रवक्ता डिबी क्षेत्रीले बताएका छन्।
उक्त देशहरूमा मे ५ सम्मको तथ्यांकअनुसार ८५ हजार ७ सय १० जना कोरोना संक्रमित भएको एनआरएनएको दाबी छ। यी देशहरुमध्ये पनि कोरोनाबाट सबैभन्दा धेरै नेपाली बहराइनमा संक्रमण परेका छन्। बहराइनमा जम्मा ३ हजार ७ सय २० जना कोरोना संक्रमित हुँदा नेपालीको संख्या १ सय ५७ पुगेको छ, यो संख्या मध्यपूर्वका ११ देशहरुमा सबैभन्दा बढी हो।
बहराइनपछि दोस्रो नम्बरमा युएईमा रहेका नेपालीहरु कोरोनाबाट प्रभावित भएका देखिन्छन्। युएईमा करिब १६ हजार कोरोना प्रभावित बिरामी भेटिदा १ सय जना नेपाली कोरोनाबाट संक्रमित भएका छन्। सबैभन्दा दु:खद कुरा त कोरोनाकै कारण युएईमा निधन हुने नेपालीको संख्या ६ पुगेको छ र यो संख्या अझ बढने देखिन्छ। कोरोनाकै कारण युएईबाहेक मध्यपुर्वका अन्य १० देशहरूमा अहिलेसम्म कुनै नेपालीले जीवन गुमाउनु परेको छैन।
युएईमा १५ जना नेपालीले कोरोनालाई जितेर स्वास्थलाभ गरेका छन् भने साउदी अरबमा ४ जना कोरानाबाट मुक्त भएको रिपोर्ट एनआरएनले सार्वजनिक गरेको छ। युएईमा उपचाररत नेपालीको संख्या ७९ छ भने साउदीमा २६ जना, बहराइनमा १ सय ५७ जना, र कुवेतमा ७५ जना उपचाररत अवस्थामा रहेका छन्। यी मध्ये धेरैको अवस्था सामान्य र सुधारोन्मुख छ।
सिफारिस
एनआरएनएमा कुन बाटो होइन मुक्त राजनीतिको मूल बाटो
हेड्स नेपालद्वारा मानसिक स्वास्थ्यको क्षेत्रमा काम गर्ने हेड्सको प्रति...
रूपान्तरण!
हारेको कांग्रेसको रुन्चे ढिपीका कारण गृहमन्त्रीले पेश गर्ने बिधेयक सुच...