तिलको लड्डु कसले खाओस् सुनकै लड्डु पाएपछि...... 

0
shares

by Soni Sharma | Updated: 14 Jan 2019

380 views
-सोनी शर्मा 

के को तरुल खानु राजै 
चड्कन च्युरा खाएपछि  
नेपालमा रमिता भो 
गणतन्त्र आएपछि। 

तिलको लड्डु कसले खाओस् 
सुनकै लड्डु पाएपछि 
नेपालमा रमिता भो 
गणतन्त्र आएपछि।   

सक्खर खण्ड चाहिएन भो
होलि वाइन  खाएपछि 
नेपालमा रमिता भो 
गणतन्त्र आएपछि।   

खिचडीको कुरै छोडौँ 
वाइडवडी खाएपछि 
नेपालमा रमिता भो 
गणतन्त्र आएपछि। 
 
खाने बेला एक्कै ठाउँमा 
लट्टे (चाम्रे)जस्तै भएपछी  
नेपालमा रमिता भो 
गणतन्त्रआएपछि। 

फुरौलाको कुरै छोडौँ  
सबै नेता बुर्लुकबुर्लुक 
नेपालमा रमिता भो 
गणतन्त्र आएपछि। 

-सम्पूर्णमा माघे (मकर )सक्रान्तिको शुभकामना।