कृषि प्रधान शरिर

Hollywood Khabar June 30,2019 Comments

-अर्जुन राज पन्त, बाग्लुङ मुलपानी, जुलाई १, २०१९

फुकालेर हरका लुगा धानका बिउले छाेपी
काेहिले लाछन शीरै माथि बनाएरै टाेपी

सम्मान हाे कि अपमान हाे बिचित्रै छ आज
हरकाे बश्त्र हटाएर बिउले छाेप्छन लाज !

फाँटैभरि राेपिने बिउ हाेटल भित्र गाछ
मनि प्लान्टकाे हाँगाे सरि गमलामा ला छ

गमलामै फूलाेस फलाेस त्यहि झुलाेस बाला
जस्ले राेप्छ गमलामा त्यसले त्यही खाला

नभरिएमा उसकाे भुँडि त्याे धानका भातले
गमलाकै माटाे खाओस उभाएर हातले

कसैको छ शीरै माथि टाेपी जस्तै गरि
देखिएकाे उनकाे टाउकाे खेतकाे गरा सरि

उखरभुमी त्याे टाउकाेमा क्यारि बिउ उम्राे!
थाेपराे कि हिलाे कतै मार्छु भनि जुम्राे

ढाक्नु पर्ने तिम्रा अङ्ग धानका बिउले छेक्दा
लत्रिएर तन्द्रयाङतुन्द्रुङ लटा सरि देख्दा

तर्सिएलान बच्चा-बच्ची बनमान्छेमा गनि
साताे जाला तर्सिएर यसले छल्छ भनि !

लाेभिएर बाख्रा बाेका आउलान त्यहि चर्न
तिम्रा हरकाे धानकाे बिउले उनकाे भुँडी भर्न!

धर्ती स्वरुप नारी शरिर बश्त्र लगाइ छाेप
दुईटै मात्रै किन नहोस गाभा खेतमै राेप

बाँझै छाडि खेत सबै राेपाँइ शरिर भरि
बश्त्र सरि धानकाे बिउ कम्मर वरिपरि

कृषि प्रधान देशमा आज कठै यस्तो चाला
धानको विउका भित्रि बश्त्र अनि गलामाला !

खेतैभरि बनमारा घाँटी भरि धान छ
बिदेशी त्याे रड्डी चामल मिठाे मानि खान्छ !

धानकै बिउकाे माला बश्त्र अनि माथि केश
कृषि प्रधान शरिर भयाे भएन नि देश !

**ब्यङग्य कवि पन्त नेपाली साहित्यकाे पहिलाे ब्यङग्य काब्यकार समेत हुन, उनको 'कोइली' ब्यङ्ग्यकाब्य प्रकाशित छ)**

कृषि प्रधान शरिर

सिफारिस

सिफारिस

सम्बन्धित खबर