कर्णाली नदी व्यवस्थापन कार्यालय बर्दियाका ३ इन्जिनियर घुससहित पक्राउ

0
shares

by Soni Sharma | Updated: 20 Jul 2019

167 views
साङ्केतिक तस्बिर ;साभार वेब

४ साउन काठमाडौं।अख्तियार दुरुपयोग अनुसन्धान आयोगले कर्णाली नदी व्यवस्थापन कार्यालय बर्दियाका तीन इन्जिनियरलाई पक्राउ गरेको छ। शनिबार अख्तियारले इन्जिनियर कमल सिटौला, इन्जिनियर विश्वेश्वर प्रसाद शाह, इन्जिनियर हरी प्रसाद चौधरी र सवारी चालक टंक प्रसाद ओझासमेत घुस रकम सहित नियन्त्रणमा लिइएको हो।

कर्णाली नदी व्यवस्थापन कार्यालय बर्दियाका इन्जिनियर कमल सिटौला, इन्जिनियर विश्वेश्वर प्रसाद शाह, इन्जिनियर हरी प्रसाद चौधरी र सवारी चालक टंक प्रसाद ओझासमेतले निर्माण योजना तारजाली भर्ने कामको विल रकम भुक्तानी गरे वापत सेवाग्राहीसँग घुस रकम माग गरिरहेको भन्ने सूचना एवं उजुरीको आधारमा अख्तियारको टोली त्यसतर्फ गएको थियो । 

आयोगको सम्पर्क कार्यालय, नेपालगञ्जबाट खटिइ गएको टोलीले निजहरू इन्जिनियर कमल सिटौला, इन्जिनियर विश्वेश्वर प्रसाद शाह, इन्जिनियर हरी प्रसाद चौधरी र सवारी चालक टंक प्रसाद ओझासमेतलाई १५ लाख घुस बापतको रकम लिइसकेको अवस्थामा उक्त घुस रकम सहित बर्दिया जिल्ला गेरूवा गाउँपालिका वडा नं. १ बाट रंगेहात नियन्त्रणमा लिई अनुसन्धान भइरहेको छ ।