पितृसताले नारी माथी कोरेका ,
सारा असमानताका रेखाहरु,
कुल्चिएर हिड्ने साहस गर्छु म ।
छैन स्वीकार मलाई ,
दोस्रो दर्जाको मानव हुन,
किनकि म पनि त पुरुष सरह
समान अधिकार बोकेर हिड्छु ।
तिमीले कोरेको मर्यादाको सिमाले,
मेरो चरित्र निर्धारण गरे सम्म न हो,
म तिम्रो नजरको ।
मलाई मात्रै लागू हुने कानुन,
मानिन बतिस लक्षणको कसिलाई,
पढ्दिन नारी शिक्षा,
घुम्टोभित्र पसेर दिन्न गर्न राज,
कसैलाई मेरो शरीर माथी,
किनकि म तिमिले खेल्ने गुडिया हैन,
छ मेरो जिवित स्वतन्त्र अस्तित्व,
हो ! त्यसैले ,
तिम्रो नजरको गुणवान हुन जानिन ।
म बाचेको समाजले भन्छ,
घर भित्र लुक्नुपर्छ,
जीउ मात्रै किन?
मुहारै छोप्नु पर्छ ।
म पुरुषको निगरानीमा बस्नु पर्छ।
नत्र म फेरि,
कुनै बलात्कारीको नजरमा पर्छु रे !
बम्बाईको कोठीमा बेचिन्छु रे !
मेरो चरीत्र लिलाम हुन्छ रे !
म फेरि बदनाम हुन्छु रे !
तर मेरो आँखाले खुला आकाश हेर्छ,
सिमाहिन धर्ती देख्छ ,
डरत्रासलाई चिर्न थाल्छ,
फेरि पनि बाच्न खोज्छु,स्वतन्त्र जीवन,
हो ! त्यसैले म मर्यादावान हुन जानिन ।
मेरो ईज्जत् सिसा सरी रे !
कसैको स्पर्श मात्रले पनि,
दाग लाग्न सक्छ रे !
काँचको महल झैं छ रे मेरो जीवन !
कसैको सानो प्रहारमा चक्नाचुर भई,
टुक्रिन सक्छ रे त्यो महल ।
मेरो जीवन कठपुतली सरि रे !
सधै तिम्रो ईसारामा नाच्नु पर्ने ,
तिमी सधै स्वतन्त्र पन्छी अनि म ?
निति-नियमरूपी पिंजडाको बन्दी,
तोड्दैछु म यो पिंजडा ,
नकार्दैछु म माथि लाग्ने अर्थहिन लाल्छनाहरु,
हो ! त्यसैले,
म तिम्रो नजरको नैतिकवान हुन जानिन ।
मलाई यति सम्झाई देउ,
खोलेर चेतनाका आँखाले,
तिमी पुरुष जाती म नारी जाती,
नयाँ सृष्टि-रचनामा बराबर छ हिस्सादारी,
तर फेरि पनि,
तिमी मेरो मालिक,म कसरी भएँ तिम्रो दासी !
कदापि स्वीकार छैन यो विभेद!
छ म भित्र पनि विवेक,
हो त्यसैले,
म तिम्रो नजरको ज्ञानवान बन्न सकिन ।
पितृसताले नारी माथी कोरेका ,
सारा असमानताका रेखाहरुको घराभित्र
म तिम्रो नजरमा चरीत्रवान बन्न सकिन
लेखक प्रिती कार्की
सिफारिस
एनआरएनएमा कुन बाटो होइन मुक्त राजनीतिको मूल बाटो
हेड्स नेपालद्वारा मानसिक स्वास्थ्यको क्षेत्रमा काम गर्ने हेड्सको प्रति...
रूपान्तरण!
हारेको कांग्रेसको रुन्चे ढिपीका कारण गृहमन्त्रीले पेश गर्ने बिधेयक सुच...