Day of Thanksgiving अमेरिकामा मात्र होइन धेरै देशमा मनाइन्छ

0
shares

by Krishna KC | Updated: 22 Nov 2018

1000 views
Day of Thanksgiving

कृष्ण के सी/अमेरिका

अन्न भित्र्याउने काम सकेपछि आभारी भएर आफ्ना आस्थाका भगवानलाइ धन्यवाद ज्ञापन गर्ने र धन्यवादी हुने चलन संसारका सबैजसो धर्ममा परंपरा देखिनै चलेको कुरा हो।

ख्रिष्टियन धर्मको १६ औं शताब्दीमा क्याथोलिकबाट फरक धारमा गएको प्रोटेस्टेनहरु जसलाई English Reformation पनि भनिन्छ, उनीहरुले बिकास गरेको कुरासंग जोडिन्छ यो Days of Thanksgiving चाड। तर उत्तर अमेरिकामा भने Thanksgiving अंग्रेजहरुबाट बिकास भएको हो। Thanksgiving लाई Harvest Festival पनि भनिन्छ। आजकल भने यो पारिवारिक भेटघाट गर्ने होलिडे पर्व हो।

उसो त क्याथोलिक क्यालेण्डरमा थुप्रै यस्ता होलिडेहरु अझै पनि छन्। १५३६ अगाडी त बर्षभरिमा ९५ वटा होलिडे र ५२ वटा सन्डे गरेर १४७ होलिडेहरु थिए भनिन्छ। तर १५३६ मा गएर चर्चहरुले ति धेरै होलिडेहरु घटाएर २७ वटामा झारे। यहाँ सम्मकी ख्रिस्ट्मस र इस्टर समेत हटाइए भनिन्छ। त्यसको ठाउँमा Days of Fasting र Days of Thanksgiving भनेर सुरु गरियो।

ख्रीष्टियन ब्याख्यामा Days of Fasting र Days of Thanksgiving को आफ्नै ब्याख्या छन्। Days of Fasting का बारे १६०४, १६११, १६१३ र १६२२ मा परिमार्जको ब्याख्या गरिएका रहेछन्। त्यसबारे खासै चर्चा गर्नु आवश्यक देखिएन यो समयमा।

Days of Thanksgiving बारे भने १५८८ को Spanish Armada माथिको बिजयलाइ आधार मानेर Queen Anne, १७०५ मा थप पुस्टि गरिएको छ। ऐतिहासिक तथ्य धेरै भएता पनि औपचारिक रुपमा भने ऐले सम्मको रेकर्ड अनुसार १६०५ मा Gunpowder Plot मा असफलता पाए पछि Days of Thanksgiving को सुरुवात १६०६ मा गरिएको मानिन्छ।

जे भएता पनि नर्थ अकेरिकामा भने Days of Thanksgiving १५७८ मा पहिलो पटक मनाइको कुरा अनुसन्धानकर्ताहरुले उल्लेख गरेका छन्। Jennie Augusta Brownscombe का अनुसार अमेरिकी इतिहासमा पहिलो Thanksgiving चाँहि Plymouth मा १९१४ मा Pilgrim Hall Museum, Plymouth, Massachusetts मा भएको हो।

यस दिनमा उत्तर अमेरिकामा Pumpkin Pie र टर्की खाने गरिछ। आफन्तहरु टाढा-टाढा देखि आउने गर्छन। अमेरिकामा आजकल यसलाई टर्की चाडको रुपमा पनि चिनिन थालिएको छ। हरेक जसो ठूला कन्भिनेन्ट स्टोरहरुमा टर्की किन्न पाइन्छन। नेपालमा दशैको खसी भनेझैं अमेरिकामा टर्की हरेकको घरमा हुन्छन। उसो त यस पछिको सांझलाइ ब्लाक फ्राइडे भनेर पनि चिनिन्छ। ब्ल्याक फ्राइडेमा बिशेष गरेर इलेक्ट्रोनिक समानहरु राम्रो डिल अर्थात सेलमा हुन्छन।

फरक समय र दिनमा भए पनि हालसम्म Day of Thanksgiving अमेरिका, क्यानाडा, बेलायत, अष्ट्रेलिया, फ्रान्स, ग्रेन्दा, वेस्ट इन्डियाना, क्यराबियन क्षेत्र, लिबेरिया, निदरल्याण्ड, फिलिपिन्स तथा जापानमा समेत मनाइन्छ। जापानमा यसलाई Labor Thanksgiving Day भनिन्छ। भारत, श्रीलंका र मलेसियामा पनि यस्ता खाले चाड मानिन्छ।

नेपालमा ठ्याक्कै यस्तो चाड नभएता पनि नयाँ खाने भन्ने चलन छ। अक्षत्रितियाका दिन जौको सातु खाने गरिन्छ। नेपालमा सुर्यका आधारमा यस्तो चाड मनाइन्छ। सुर्य मंगलायम भन्ने यस्तो चलन १००० बर्ष भन्दा पुरानो मानिन्छ।