बन्धु पोख्रेल
बॉझो राखेर गाउँमा भएका खेत बारी
परदेशमा पसिना झार्दै गर्दैछु रोजगारी ।
भाषण गर्छन नेताहरु मैले ठोक्छु ताली
देश बिगार्ने नेता भन्दै गर्छु आफै गाली ।
चुनाबमा सहि नेतामा देख्छु खोंटै खोंट
मिठो कुरा मोटो रकम पाए दिन्छु भोट ।
कर तिर्ने बानी छैन भन्सार छली ब्यापार
आफू कमाउ देश डुबाउ जीवनको सार ।
नजराना नचढाई देख्दिन काम पाको
भ्रष्टाचार भयो भन्छु गर्दै ठूलो डॉको ।
देख्छु खोंट अरु सबमा आफू मात्र चोखो
भन्ने गर्छु देश बनाउने मेरो छ है धोको ।
प्रसंसा पाए रमाउँछु अरुलाई गर्छु गाली
म मात्र त हुँ नि हजुर एक सच्चा नेपाली ।
सिफारिस
एनआरएनएमा कुन बाटो होइन मुक्त राजनीतिको मूल बाटो
हेड्स नेपालद्वारा मानसिक स्वास्थ्यको क्षेत्रमा काम गर्ने हेड्सको प्रति...
रूपान्तरण!
हारेको कांग्रेसको रुन्चे ढिपीका कारण गृहमन्त्रीले पेश गर्ने बिधेयक सुच...