सन्तोष दाहाल/ललितपुर/६/२३/२०
बागमती गाउँपालिका ललितपुरले आर्थिक वर्ष २०७७/०७८ को का लागि ४२ करोड ५६ लाख ३ हजार रुपियाँको बजेट प्रस्तुत प्रस्तुत गरेको छ। मंगलबार गाउँपालिकाका आयोजित गाउँसभाको पहिलो सत्रमा गाउँपालिका उपाध्यक्ष रञ्जना घिमिरे तिमल्सिनाले उक्त बजेट प्रस्तुत गरेकी हुन् ।
गाउँसभामा गाउँपालिका अध्यक्ष वीर बहादुर लोप्चनले बागमती गाउँपालिकाको नीति तथा कार्यक्रम पेस गर्दै आगामी आर्थिक वर्षका लागि गाउँपालिकाले निकै लोकप्रिय कार्यक्रम तय गरेको बताए । गाउँपालिकाले पर्यटन विकास कार्यक्रम राडर क्षेत्र पर्यटन विकास कार्यक्रम सञ्चालन जनाएको छ । तिनपाने भन्ज्याङ तरकारी सङ्कलन केन्द्र निर्माण गर्ने नीति तथा कार्यक्रममा उल्लेख छ ।
गाउँपालिका स्तरिय अस्पताल निर्माण सम्पन्न गर्ने नीति लिएको गाउँपालिकाले बैदेशिक रोजगारबाट फर्केर आउने युवाहरुलाई ब्यबसायमा लाग्नको लागि ब्याज अनुदान कार्यक्रम लागू गर्ने भएको छ । चालु आर्थिक वर्षको एकल पुरुष भता गाउँपालिका भबन निर्माण कार्य जस्ता कार्यक्रम आगामी वर्ष पनि सञ्चालन गरिने बागमती गाउँपालिकाका अध्यक्ष बिरबाहदुर लोप्चनले जानकारी दिएका छन् ।
बागमती गाउँपालिकालाई बितिय समानिकरण अनुदान संघिय सरकारबाट ७ करोड ३३ लाख रुपैयाँ प्राप्त हुने जानकारी दिइएको थियो । यस्तै बागमती प्रदेश सरकारबाट ९८ लाख ९४ हजार विनियोजन भएको बताइएको छ । शशर्त अनुदान अन्तर्गत संघिय सरकारबाट १९ करोड ५२ लाख र प्रदेश सरकारबाट २ करोड ३२ लाख ७५ हजार विनियोजन भएको बताइएको छ ।
संघीय सरकारबाट राजस्व बाडफाँडबाट ५ करोड १३ लाख रुपियाँ र बागमती प्रदेश सरकारबाट राजस्व बाडफाँड १ करोड ५८ लाख ३४ हजार विनियोजन भएको जनाइएको छ। गाउँपालिकाको आन्तरिक आय ५ करोड ६३ लाख रहेको छ । रजिस्ट्रेसन दस्तुरबाट ५० लाख गरी बागमती गाउँपालिकाको अनुमानित बजेट ४२ करोड ५६ लाख ३ हजार रहेको गाउँपालिका अध्यक्ष बिरबहादुर लोप्चनले बताए।
नेकपाको असहमति
मंगलबार बागमती गाउँपालिकाको गाउँसभामा पेस भएको बजेट र नीति तथा कार्यक्रमप्रति प्रतिपक्षी नेकपाका बोर्ड सदस्यहरुले असहमति जनाउँदै गाउँसभा बहिष्कार गरेको घोषणा गरेका छन्। पूर्व जानकारी बिना एकैदिन बजेट, नीति तथा कार्यक्रम र तीनओटा विधेयक एकैदिन छलफल नै नगरी ल्याइएकोले उक्त कदम स्थानीय सरकार संचालन ऐन २०७४ को मर्म विपरीत भएको भन्दै आफूहरुको असहमति रहेको वडा नं ७ का वडाध्यक्ष नवराज संजेलले जानकारी दिए। बागमती गाउँपालिकाका निर्णयहरु ऐन नियम मुताबिक हुनुपर्नेमा एकतर्फी र एकलौटी गर्ने दैनिकी नै बनेको भन्दै संजेलले योजना पेस गर्नू, जनातामैत्री बजेट ल्याउनुमा आफूहरुको असहमति नरहेको बताए। साथै सुशासनको कुरा गर्दै कुशासनको अभ्यास गर्ने तथा अपारदर्शिता, बेथिती र निरङ्कुशताको बिरोध स्वरुप आफ्नो कुरा स्पस्ट राखेर बैठकबाट बाहिरिएको उनले बताएका छन्।
यसैगरी वडा नं ५ का वडाध्यक्ष साजन दर्लामी मगरले १२ करोडको बजेट कार्यक्रमबाट २ करोड ८० लाख मात्र वडालाई दिएको र अरु सबै अध्यक्ष मातहत राखेकोले बजेट वितरणमुखी रहेको आरोप लगाए। गाउँसभामा आर्थिक ऐन, विनियोजन विधेयक र प्रारम्भिक वातावरणीय परीक्षण कार्यविधि -२०७७ पेस गर्नका लागि विधायन समितिका संयोजक एबम वडा नं ६ का वडाध्यक्ष लाल बहादुर भोम्जनलाई आग्रह गरी पनि छलफल बिना ल्याईएको विधेयक पूर्णरुपमा अध्ययन नै नगरी आफूले पेस नगर्ने भन्दै बाहिरिएका थिए।
सिफारिस
झापाको बिर्तामोडमा चैत्र १२ गते टुबोर्ग होलि हङ्गामा हुने
बागलुङ सेवा समाज र बलेवा समाज अमेरिकाको संयुक्त आयोजना, न्यूयोर्कमा चै...
कम्युनिष्टको आदेशले फसेका गृहमन्त्री लामिछाने संचार क्षेत्रको बिरोधले...
गैरआवासीय नेपाली संघ र संबद्ध पक्षबारे:बागमती टेलिभिजनको कोर इस्यूमा