आमा आफ्नो बालापन छदैं
वैशालु ति मनलाई
बाँधेर गोठभित्रै अनि बारीका पाटाहरु
र खेतका टङ्गिन अनि गराहरुमा
एउटा सुनौलो भविश्यको सपना
नौ महिना गर्भमा लिएर
दश नङ्ग्रा खियाउँदै
पसिना काँढेर
त्यो सपना साकार पार्न लागिरह्यौ
दिन रात नभनी
आफ्नो शरिरका थोपाथोपा रगतले
अमूल्य रत्न बनायौ मलाई
आफु भोकै बसेर
सदा खुवायौ मलाई
जीवनसंग अनि भोक र गरिबीसंग
लड्न सक्ने एक योद्धा जन्मायौ
आम जनतालाई न्याय दिलाउन सदा लागिरहने
न्यायका अभियन्ता जन्मायौ
अन्याय र अत्याचार बिरुद्ध
अनि अनियमितता र भ्रष्टाचार बिरुद्ध
लड्न हिम्मत गर्ने सपुत जन्मायौ
सदाचार र सुशासनका लागि
जस्तोसुकै युद्ध छेड्न पछि नपर्ने
एक अभियन्ता एक योद्धा जन्माउने
तिमी मेरी आमा
मात्र मेरी आमा
आज ति मेरी महान आमा प्रति
अनि उनी जस्तै सारा आमाहरुप्रति
सादर ढोग अनि साष्टाङ्ग दण्डवत्
ती पूजनिय आमाहरुका चरणकमलमा
सिफारिस
हारेको कांग्रेसको रुन्चे ढिपीका कारण गृहमन्त्रीले पेश गर्ने बिधेयक सुच...
एमाले नेता तथा गुण्डा बस्नेत विरुद्ध बलात्कार गरी गर्भपतन गराएको जाहे...
एनआरएनए:अदालतको फैसला, मताधिकार भएका-नभएका नेपाली र केहि अन्योलता
दुइ उपनिर्वाचनका लागि उम्मेदवारहरुको मनोनयन दर्ता सुरु