३१ असार काठमाण्डौं।आषाढ शुक्ल पूर्णिमाका दिन आज मंगलबार खण्डग्रास(आधा चन्द्रमा ढाक्ने)चन्द्रग्रहण लाग्दैछ। ग्रहणले राति १:४६ बजेदेखि आग्नेय कोण(पूर्व र दक्षिणको बीच) बाट स्पर्श गर्ने नेपाल पञ्चाङ्ग निर्णायक समितिका अध्यक्ष प्रा.डा रामचन्द्र पोखरेलले जानकारी दिनुभयो।बिहान ३:१५ मा ग्रहणको मध्यकाल हुनेछ।बिहान ४:४५ मा मोक्षकाल अर्थात् ग्रहण सकिने उहाँले बताउनुभयो।
उत्तराषाढा नक्षत्रमा लाग्ने ग्रहण धनु र मकर राशिका लागि कष्टकर हुने शास्त्रीय विश्वास छ।यी दुई राशिले ग्रहण हेर्नु हुँदैन।यसैगरी मेष, वृष, मिथुन, सिंह, कन्या र वृश्चिक राशि हुनेले पनि ग्रहण हेर्न नहुने समितिले स्वीकृति दिएको पात्रो (पञ्चाङ्ग) मा उल्लेख छ।
कर्कट, तुला, कुम्भ र मीन राशि भएकाहरुले भने ग्रहण हेर्नुहुन्छ।ग्रहणका समयमा स्नान,दान,श्राद्ध,जप,ध्यान, साधनालगायत कर्म गर्न शुभ मानिन्छ।ग्रहणका समयमा दीक्षामन्त्र लिन पनि उत्तम मानिन्छ।ग्रहणका बेला सकेसम्म तीर्थस्थलमा नसके नजीकका नदी,ताल,तलाउ,पोखरी र सम्भव नभए घरमै स्नान गर्नु पर्ने‘निर्णय सिन्धु’,‘हेमाद्रि’‘कालमाधव’,‘वीर मित्रोदय’ लगायत धार्मिक ग्रन्थमा उल्लेख गरिएको छ।
सिफारिस
रूपान्तरण!
हारेको कांग्रेसको रुन्चे ढिपीका कारण गृहमन्त्रीले पेश गर्ने बिधेयक सुच...
एमाले नेता तथा गुण्डा बस्नेत विरुद्ध बलात्कार गरी गर्भपतन गराएको जाहे...
एनआरएनए:अदालतको फैसला, मताधिकार भएका-नभएका नेपाली र केहि अन्योलता