१३औँ दक्षिण एशियाली खेलकूद (साग):पुरुष फुटबलमा नेपालद्वारा माल्दिभ्स पराजित

0
shares

by Soni Sharma | Updated: 07 Dec 2019

150 views
-तस्बिर साभार वेब

२१ मंसीर काठमाण्डौं। यहाँ जारी १३औँ दक्षिण एशियाली खेलकूद (साग)अन्तर्गत पुरुष फुटबलमा नेपालले माल्दिभ्सलाई पराजित गर्दै विजयी भएको छ ।त्रिपुरेश्वरस्थित दशरथ रङ्गशालामा आज भएको खेलमा नेपालले माल्दिभ्सलाई २–१ गोल अन्तरले पराजित गर्दै फाइनलमा पुग्ने सम्भावनालाई कायमै राखेको छ।यो जीतसँगै नेपाल तीन खेलमा सात अङ्क जोड्दै लिग तालिकाको शीर्ष स्थानमा छ।

त्यस्तै माल्दिभ्सको स्वर्ण पदक जित्ने सम्भावना भने समाप्त भएको छ।चार खेल खेलेको माल्दिभ्स दुई अङ्क जोड्दै लिग तालिकाको अन्तिम स्थानमा छ।खेलमा शुरुआती अग्रता भने माल्दिभ्सले लिएको थियो।खेलको १८औँ मिनेटमा इब्राहिम महुदी हुसैनले गोल गर्दै माल्दिभ्सलाई १–० को अग्रता दिलाए ।

खेलको ४३औँ मिनेटमा नेपालका अभिषेक रिजालले एक गोल फर्काउँदै खेललाई १–१ गोलको बराबरीमा ल्याए।उनले पेनाल्टी क्षेत्रको ठीक बाहिर आएको बललाई नियन्त्रण मा लिँदै गोल गरेका थिए।त्यसपछि खेलको ५२औँ मिनेटमा नेपालले विजयी गोल गर्यो। सुनिल बलको कर्नरमा अनन्त तामाङले हेड गोल गर्दै नेपाललाई २–१ को जीत दिलाए ।